Paytextê Awusturya Vîyana de seba vîrardişê şehîdanê menga Gulane kombîyayîşêk virazîya. Destpêk de sînevîzyonêk ame ramotene.

Endama Têgêrayîşê Cinîyan Avesta Nûrcan Guleryuze qisey kerd û Roja Mayan a mayanê Kurdistanî û ya heme mayan pîroz kerde. Guleryuze bale ante serê çalakîya mayan a seba domananê xo yê ke hemverê tecrîdî de grevê vêşanîye de yê û vat, “Faşîzmê AKP’yî hêrişê mayanê ma keno, ke ê ercê Kurdistanî yê. Ma tîya ra veng danê mayanê wayîrê wijdanî; hemverê AKP’yî û çeteyanê êyê faşîstan de ma ê hemrayanê xo rê wayîr vejîyê ke ê seba azadîya şarê Kurdî grevê vêşanîye de yê.”