Wekîlê Partîya Çep a Keske yê Riha Ferît Şenyaşarî derheqê Nobeta Edaletî de ya ke înan verê Edlîyeya Riha de daye destpêkerdene û wazenê Anqara de bidomnê,  meclîs de eşekrayîye daye. Dayîke Emîne Şenyaşar û tay welîlî tewrê eşkerayîye bîyî.

Ferît Şenyaşarî ard ziwan ke panc serrî yo dejê înan înan dewam keno, hesrê înan yenê war û zilm dewam keno û edalet nîno ca û vat dayîka ci ya ke di laj û merdêyê ci ameyî qetilkerdene û lajêkê ci zî zîndan de yeno tepiştene, semedê edaletî ameye Anqara.

Ferît Şenyaşarî vat: ''Ma do ewro Wezîrîya Edaletî zîyaret bikerê. Eke sozê caardişê edaletî bidê ma, ma ûca ra danê ra şinê keye. Dayîka mi nêwazena Anqara de bimano. Xora nêweşa gerek çiman û linganê xo ra amelîyat bibo. Vana heta eladet nêro ca amelîyat nêvbena. Eke edalet nêro ca ma do Anqara de têkoşînê xo bidomnê.''

Dayîke Emîne Şenyaşar zî vat: ''Hinî bes o, wa lajê mi veradê. Ez zî şirê keye, cayê tornanê xo. Keyeyê di laj û mêrdeyê mi qetil kerdî, lajê eşt heps. Eke lajê mi vera medê ez do verê Wezîrîya Edaletî de ronişê.''

Badê eşkerayîye Şenyaşarî seba ke selahîyetdaran reyde pêvînayîş bikerê, ver bi bînaya Wezîrîya Edaletî rayra şîyî. Polîsan verê înan girewt. Kesê ke bînaya  wezîrîye de bî vat wezîr û hetkarê ci bîna de nîyê  û berî giewtî.