Endamê Koordînasyonê Komelanê Ciwanan Ozgur Şerkerî cewab da persanê ANFyî û rojdem ercna. Qiseykerdişê Şerkerî ra beşêk wina yo:

''Dewleta tirke ya faşîste 6 serrî yo pê paştdayîşê NATOyî konseptê tasfîyeya têgêrayîşê azadîye yê Kurdîstanî ana ca. Gerîlayê Azadîye yê Kurdîstanî alaya azadîye û rûmetê merdimîye berz kenê. Koyê Kurdîstanî şahîdîya xoverdayîşî kenê.

Ciwanê Kurdîstanî ganî nê xoverdayîşî ra îstîfade bikerê û adirê azadîye geş bikerê. Ciwanî ganî kamca de benê wa bibê vengê gerîlayan bieşnawê û  vera faşîzmî têbigêrê. Eke ciwanê Kurdîstanî xoverdayîşê gerîlayan de bibê yew îqtîdaro faşîst ê AKP-MHPyî do birijo. Ganî no firsendo tarîxî bişuxilîyo.

PKK têgêrayîşê şarî yo. Ganî ciwanî tim paştî bidê PKKyî. Şorişê azadîye yê Kurdîstanî do pê yewîya gerîlayan û ciwanan ser bikewo. Ganî ciwanî her ca de xo rêxistin bikerê, seferber bibê, wurzê payan ser û rayberîya şarî bikerê. Ganî ciwanê Kurdîstanî pêro hêzê xo, hîşmendîya xo, potansîyelê xo bivisnê dewre û  bibê seferber.

Ganî vera provakasyonan û hemkarîya PDKyî ya bi Tirkîya tewiro raştikên bêro mojnayene. Heta ke PDK xayînîye û ajanîye ra fek vera bido ganî têkoşîn dewam bikero.

Eke ma vera dişmenê faşîstî bi hawayêkê topyekûnî têbigêrê û xo ver bidê ma do ser bikewê. Ganî ma pê naye bawer bikerê û seba nê armancî bixebitê. Ganî ma her ca, herême, welatî bikerê merkezê seferberîya têkoşînî ya vera faşîzmî.''