Merkezê Îrtîbatî û Çapemenîye yê HPGyî bi wesîleya serrgêra 21ine ya Hemleya 1ê Hezîrane eşkerayîyêke daye. Eşkerayîye wina ya:

‘’Serrgêra 21ine ya Hemleya 1ê Hezîrane sere de Rayber Apoyî rê, pêro keyeyanê şehîdanê ma rê, embazan û dostanê ma rê fîraz ba. Ma şexsê fermandaranê serkêşan ê Hemleya 1ê Hezîrane Huseyin Mahir, Erdal, Nûcan Nurhak, Adil Bilikî, Çiçek Kiçî, Mahir Dêrsîm, Kendal Baz, Nûda Karker, Rojîn Gewda, Reşît Serdar, Mehmet Goyî, Dîcle Efrîn, Simko Rojhilat, Atakan Mahir, Delal Amed, Gulçiya Gabar, Fazıl Botan û Leyla Sorxwîn Amed de pêro şehîdanê ma bi heskerdiş, minet û rêzî yad kenê.

15ê sibata 1999î de şexsê Rayber Apoyî de vera şarê ma û Têgêrayîşê Azadîye yê Kurdîstanî hêrişê Komployê Mîyanneteweyî amebi kerdene. Rayber Apoyî rixmê bêîmkanîye û hêrişan zî bi paradîgmaya xo cewabo tewr pîl da komployî. Rayber Apoyî bingeyê na paradîgma de seba çareserîya meseleya kurdan firsendêko pîl dabi. Gerîlayî 2yê tebaxa 1999î de bi bira xoapeyantişî heta 1ê hezîrana 2004î pozîsyonê adirbirnayîşî de mendî û seba çareserîye zemînêk awan kerd. La dewleta tirke waşt ke nê prosesî seba tasfîyeya têgêrayîşê ma bişuxilna. Hemleya 1ê Hezîrana 2004î vera hêrişan û bêçareserîye ameye kerdene. Senî ke Hemleya 15ê Tebaxa 1984î verê înkarê kurdan girewt û mesele berde masaya çareserîye Hemleya 1ê Hezîrane zî seba xurtkerdişê zemînê çareserîye rolêko pîl kay kerd. Na safhaya têkoşîn û prosesî de ame dîyene ke Hemleya 1ê Hezîrane çendek raşt bîya. 

21 serranê nê hemle de fikrê Rayber Apoyî, paradîgmaya ey, sîyaset û tewirê ey ê Îmraliyî xo îsbat kerd. Wext û qewimîyayîşan heqdarîya Rayber Apoyî îsbat kerde. Têkoşînê 52 serran mojna ma ke ma ke Rayber Apo hol fam kerd û ard ca ma ser kewtê. Gerîlayê ke xeta milîtanîya Apoyîye de xorin bîyê, seba ke keda Rayber Apoyî û keda şarê ma zayî nêbê mesuldarîya ke kewena milê ma bêteredut do bikerê. Ma do ruhê fedayî yê Apoyî bivisnê lewe û milîtanîya Apoyîye xorin bikerê, azadîya Rayber Apoyî û şarê ma bîyarê ca û bi fedayîtî têkoşîn bikerê.

Sey gerîlayanê azadîye û fedayîyanê Rayber Apoyî ma ancî serrgêra Hemleya 1ê Hezîrane fîraz kenê.’’