Tepişteyanê sîyasîyan 27ê teşrîna peyên a 2023yî de bi waştişê "Abdullah Ocalanî rê azadîye, meseleya kurdan rê çareserîye" dest pê grevê vêşanîye kerdbi. Tepişteyan 4ê nîsana 2024î de çalakîya xo kirişte merhaleya bîne. Tepişteyî nêvejîyenê pêvînayîşanê keyeyan û telefonî û mehkemeyan boykot kenê.

Merdime tepişteyan zî teber de bi waştişê azadîya Rayberê Şarê Kurdî Abdullah Ocalanî Nobeta Edaletî rayra benê. Keyeyan dabi  zanayene ke ê do 14ê nîsane de çalakîya xo bikirişê merhaleya bîne.

6ê gulane de do serkêşîya merdimê tepişteyan û Federasyonê Komeleyanê Paştdayîşê Huqûqî yê Keyeyanê Tepişteyan û Hukmwerdeyan (MED TUHAD FED) de verê zîndanan de do eşkerayî bêro dayene.

Çalakîyî Amed, Êlih, Îstanbul Îzmîr, Mersin û Adana de do bi hewayêkê hemwextî bi slogana "veng bidê azadîye" bêrê kerdene.

MED TUHAD-FEDî vat, “Ti zî bi fîtikê xo bê tewrê çalakîya "veng bidê azadîye" bibi, ma pêro pîya bibê vengê tepişteyanê sîyasîyan.”