Şorişgêrê almanî Kevin Joachim (Dilsoz Bahar) û Jakob Riemer (Şiyar Gabar)yê ke wextanê peyênan de mîyanê têkoşînê azadîye yê kurdan de şehîd bîyê 10ê temmuze de Karlsruhe de do bêrê yadkerdene.
Kevin Joachim (Dilsoz Bahar) 6ê temmuza 2015î de Rojawanê Kurdîstanî de şerê vera DAÎŞî de şehîd bibi. Jakob Riemer (Şiyar Gabar) zî 9ê temmuza 2018î de Herêmanê Pawitişî yê Medya de hêrişê artêşa tirke ya îşxalkere de şehîd bibi.
Wird şorişgêrê almanî 10ê temmuze de, şaristanê Karlsruhe yê Almanya de bi aktîvîteyêke do bêrê yadkerdene. Aktîvîte saete 15.00 de Goristanê Grunwinkelî de serê gorê Joachimî de do dest pêbikera.
Merkezê Komelê Demokratîkî yê Kurdan ê Heilbronnî û enternasyonalîstanê ke zî do paştî danê Kurdîstanî, venga her kesî da ke tewrê aktîvîte bibo.
