Ûgûr Şakar o 20 Sibate de seba protestokerdişê tecrîdê serê Rayberê Şarî Kurdî Abdullah Ocalanî vernîya mehkemaya Krefeldî ya Almanya de bedenê xo tafînabi, nêweşxane wefat kerd.

Şakarî çalakîya xo ya verê derheqê çalakîye de mektubek nuştebi û nê pare kerdîbî:

''Hemrayê erjayeyî

Ez tecrîdê serê Rarber Apoyî protesto kena. Embazê ma yê ke grevê vêşanîye de yê, yê ke cuye ra hendê hes kenekê seba ci ganê xo danê, ez înan bi hurmet silam kena.

Ma Têgêrayîşê PKK’yî felsefeya’Xoverdayîş cuyayîş o’musayî. Ma ça benî wa bibê, vera nêheqîye xoverdayîş deynê milê ma yo. Bêşik o ke komplokarê ke vanê qey ê bi komploya mîyanneteweyîye şarê Kurdî qedînenê, şarê Kurdî do bi xoverdayîşo biheybet cewab bido înan.

Ez sey yew şexsê no komel Ewropa ya ke sey derguşa demokrasî yena zanayene, protesto kena.

Embazê ma vernîya CPT’yî de roje bi roje helîyenê modernîteya kapitalîste ke naye rê çim, fek û goşê xo girewte, ez protesto kena.

Reyna hêrişê dewleta Almanî ya vera Kurdan rê zî lanet kena. Ez veng dana Kurdan ke wa herinda koletîye de seba cuyeyêka azade pêrodayîş bikerê.

Ma do miheqeq ser bikewê.

Ma sey şar ganî xoverdayoxê grevanê vêşanîye yê ke dormeyê Rayberîye de çember grewto, înan rê wayîr bivejê.

Bê Rayberî cuye nêbena

Biciwîyo Rayber Apo

Embaz Ûgûr‘‘