Adana de 10 tenî ameyî destbendkerdene

Operasyonê qirkerdişê sîyasîyî yê Adana de 10 tenî ameyî destbendkerdene.

Adana de saetenê serê sibayî operasyonê qirkerdişê sîyasîyî ame kerdene. Polîsan bi hawayêke hemwextî eşt xeylêk keyeyan ser û 10 tenî bi îdîaya tewrbîyayîşê ''çalakîyanê korsanan'' destbend kerdî. Êyê ke ameyî destbendkerdene ameyî berdene bi Şubeyê Sîyasîyî yê Mudirîya Asayîşî ya Adana.