Serdozgerîya Komare ya Adana çarçewa tehqîqatê vera Komeleya Kultur û Hunerî ya Binevşe de derheqê 38 kesan de bira destbendkerdişî daye. Polîsan çarçewa tehqîqatî de Adana û Amed û komele de eşt xeylêk adresan ser.  

Sereştişan de polîsan berî şikitî, keyeyî serûbin kerdî, şarî rê şîdet kerd û cigêrayîşo rût ferz kerd.

Sereştişan de nê kesî ameyî destbendkerdene: Hemserekê HDPyî ya Adana Hêlîne Kaya û Mehmet Karakiş, Endamê Meclîsê HDPyî Abdurrahman Oral û Ahmet Yildiz, Hemvervatoxê DBPyî yê Çukurova Şîlane Turga û Enver Guler, Hetkara Şaredarê Seyhanî Funda Buyruk û xebatkarê Merkezê Komelî yê Binevşe Îlyas Arzû, Mûrat Gurbuz, Sûat Ekîn û Jiyan Savci, Îdrekarê HDPyî yê Adana Ahmed Akdogan, endamê Meclîsê Ciwanan ê HDPyî Mazlum Gok, aktîvîsta TJA Emetullahe Akçaray û Severe Uzun, Hemsereka AYKAY-DERî Suphiye Bayav û Jiyan Aslan, Mahsûm Ûzûn, Zîlan Çîçek, Mehmet Sarûhan, Hayrettîn Oz, Mehmet Saît Dîkmen, Vakkas Dûrgût, Evîn Ozbay Dîlan Yîgît, Gulbahar Akman, Yaşar Akman, Mehmet Solmaz, Bedrî Şengul, Zîlan Taş, Ayşe Solmaz, Mehmet Aykût, Ramazan Demîrhan û di kesê bînê ke nameyê înan nêzanîyenê.''

Komeleya Binevşe de cigêrayîş qedîya û odaya Funda Buyruk de zî cigêrayîş ame kerdene. Destbendkerdeyî ameyî berdene bi Mudirîya Asayîşî ya Adana. Derheqê aktîvîsta TJA Zana Çoban de zî bira destbendkerdişî est a. Polîsan Mersîn de eşt keyeyê aye ser.

Mersîn de rixmo ke Nafîye Çoban û Zana Çoban keye de nêbîyî polîsan eşt ser û ferdanê keyeyî rê heqaret kerd.