Zîndanê Afyonî de seba ke dest nîyeno hacetanê tepişteyan ser, înfazê înan yeno vêşnayene û payan ser de hûmaritiş yeno ferzkerdene 25ê gulane de 10 tepişteyan grevê vêşanîye dabî destpêkerdene.

Tepişteyê bi nameyê Mehmet Alî Kayanî telefon de keyeyê xo de qisey kerd û vat: ''Ganî waştişê tepişteyan bêrê qebulkerdene û no ferzkerdiş biqedo. Wa îşkence vindero.''

Kayanî da zanayene ke 25ê gulane de 6 tepişteyan dest pê grevî kerd û nika zî hûmara înan bîya 10. Kayanî vat: ''Seba ke hûmaritişê payanser yeno ferzkerdene, dest nîyeno kitabanê ma ser, mektubê ma nêdîyenê ma, waştişê ma nênê qebulkerdene, hucreyê yewkesî de tepişteyî verdîyenê û înfazî yenê vêşnayene ma dest pê grevî kerd.''

Kayanî venga dezgehan da ke wa bi hîsgerî têbigêrê.