Rejîmê AKPyî ke nêeşkeno kurdan û sosyalîstan teslîm bigêro hemverê înan de operasyonanê qirkerdişî rê dewam keno.

Ewro Agirî û Enqere de sereştişê keyeyan de tewr tay 18 kesî ameyî tepiştene.

AGIRÎ

Qezaya Tutaxî ya Agirî  de operasyonê qirkerdişê sîyasîyî de 15 kesî ameyî tepiştene. Kesekê ameyî tepiştene nameyê înan wina yo: Eshat Acar, Sîyabent Efe, Mehmet Dûrû, Selahattîn Tûrgût, Mehmet Dûran, Aslan Ozalp, Nûrî Kiliç, Kadîr Keskîn, Nesîm û Ercan Ozer, Sezaî Kotan, Fesîh Yalçin, Abdullah Bozkûrt, Erol Kandemîr û Meralî Dînç.

Heman qeza de hewteyo ravêrte de 7 kesî ameybî tewqîfkerdene.

ENQERE

Enqere de zî saetanê sibayî de operasyonê qirkerdişê sîyasîyî de 3 endamê Federasyonê Komelan ê Gencan ê Sosyalîstan (SGDF) ameyî tepiştene.

Endamê SGDFyî Gîzem Altûnoze, Cem Eren Aslan û Sedat Polat ameyî berdene bi merkezê polîsan ê bajarî.