Rixmê nêrazîbîyayîşan de Daristanê Akbelenî yê qezaya Mîlasî yê Mugla de seba ocaxê komiran darî birîyenê. Wextê birnayîşê daran de ewro leşkeran hêrişê şarî kerd û şar warî ra vet. 

Cinîyî verarê daranê seserran şîyî û înan  vat ke ê nêwazenê ke darê înan bêrê birnayene.

Leşkeran pê zorî cinîyî warî ra vetî. Leşkeran îdîa kerd ke Walîtîya Mugla dekewtişê daristanî qedexe kerdo û dewijan rê cezaya pereyî daye. 

Leşkeran nêverda ke rojnamegerî dîmenan bigêrê û rojnamegerî girewtî binê ablûqa.

Wextê hêrişê leşkeran de aktîvîsta ekolojîke Denîze Gumuşel zî ameye destbendkerdene.