Akici ya tepişteye ke tecrîd protesto kerd şehîd bîye
Yonca Akici ya ke Zîndanê Cinîyan ê Tîpê T’yî yê Şakranî de hemverê tecrîdî de 29’ê Adare de çalakî viraştebî û bi giranî birîndar bîbî, amîbî berdene nêweşxane û ûca şehîd bîye.
Yonca Akici ya ke seba wedaritişê tecrîdê serê Rayberê Şarê Kurdî Abdullah Ocalanî Zîndanê Cinîyan ê Şakranî de çalakî viraştebî, şehîd bîye.
Yonca Akiciya ke bi îdîaya ‘endamîya organîzasyonî’ 4 serrî bi ke Zîndanê Cinîyan ê Şakranî de mendêne, 29’ê Adare de seba prostestokerdişê tecrîdê giranî yê serê Rayberê Şarê Kurdî Abdullah Ocalanî çalakîyêk viraştebî û bi giranî birîndar bîbî, şehîd bîye. Akiciya ke 1’ê Adare ra grevê vêşanîye yê bêdem û bêagêrayîşî de bîye, Nêweşxaneyê Çigli de ke bi giranî birîndar bîbî û amîbî berdene ûca, şehîd bîye. Dimayê muameleyanê otopsîye ra cenazaya Akici seba definkerdişî ameye şirawitene Agirî.
Xoverdayoxanê Zîndanan ra Zulkuf Gezen, Ayten Beçete , Zehra Saglame, Medya Çinare û Almanya de Ûgûr Şakarî zî bi çalakîyanê fedaîyan tecrîdê serê Ocalanî protesto kerdbi û şehîd bîyîbî.
Nê çalakîyan ra dima Têgêrayîşê Azadîye yê Kurdan bi eşkerayîyan waştbi ke nê çalakîyî bêrê caverdayene û çalakîyê xokiştişî nê wa çalakîyê ke derbe danê dişmenî rê bêrê viraştene.
