Qezaya Cizîre ya Şirnexî de qedexeyê vera  atkîvîteyanê Festîvala Kultur û Hunerî ya Cizîre ya ke hetê Organîzasyonê Hunerkî û KESKî ra ameye organîzekerdene, dewam kenê. Qeyûmê xespkarê ke vizêr konser qedexe kerd ewro zî destûr nêde atolyeya hunerî ya domanan ya ke Parka Botaşî ya taxa Çemkûrkî de hetê GEROK Ma ra ameye organîzekerdene, ameye astengkerdene.

Qeyûmê Cizîre gama ke programî rê wexto tay mendo vat ê do parke de ê programêkê domanan bikerê. Kesê ke çarçewaya festîvale de şîyî parke raştê astengkerdişê polîsan ameyî.

KESKî bi eşkerayîyêke ard ziwan ke no tewirêko keyfî yo û vat, Bi nê kerdişan îradeyê şarî nê vînayîşî ra yenê. Eynî roje eynî parke de aktîvîteyêke viraştiş yeno manaya ‘Nê bajarî de têna ez est a û têna ez eşkena aktîvîte bikerê.’ Ma nê polîtîkayanê qedexekîyan teşhîr kenê û şermezar kenê."