Ciwano kurd Yaser Ornek (27) seba ke Tirkîya de raştê zextanê sîyasîyan yeno 4 serrî verî Swîsre de îltîca kerd. Ornek roja şemeyî semedê zîyaretê yew roje şi bajarê Munîhî yê Almanya û herêma Bernau de ame tepiştene.

Orneko ke 6 rojî hetê selahîyetdaranê almanî ra nezaret de ame tepiştene hetê Tirkîya ra îadeyê ci yeno waştene. Goreyê zanayîşê ke avûkatan ra ame girewtene Ornek do roja sêşeme do bêro berdene zîndanê Munîhî.

Embazê Ornekî Durmaz Yahişî yo ke wextê destbenderdişî de cayê ey de bi vat otoban de polîsan verê înan girewt û Ornek bi kelemçeyê peykî destbend kerd.  Yahişî ard ziwan ke ey se kerd nêkerd nêeşkayo polîsan ra zanayîş bigêro û vat qesewet kenê ke Ornek îadeyê Tirkîya bibo.

Yaser Ornek gama Unîversîteya Çukurova de bi seba ke tewrê çalakîyanê demokratîkan bibi ame amebi tepiştene û bado ke 3 mengî zîndan de mend ame verdayene la dima ra bi îdîaya endmîya rêxitine ceza dîyayebî ci. Ornek 2018 de Swîsre de îltîcaya sîyasîye kerde û heqê roniştişî girewt.