Almanya de çalakîyê Ocalanî rê azadîye

Tecrîdê serê Ocalanî û qerarê Amerîka yo ke derheqê hîrê kadroyanê serekan ê PKKyî de ameyo girewtene xeylî bajaranê Almanya de ameyî protestokerdene.

Vera tecrîdo ke dewleta tirkî serê Rayberê Şarê Kurdî Abdullah Ocalanî de  dana domnayene û qerarê Amerîka yê PKKyî sey welatanê bînan Almanya de zî  çalakîyî dewam kenî.

Bajarê Mannheimî yê Almanya de hetê organîzasyonanê çepî yê Tirkîya ra çalakîyêk ameye organîzekerdene.

Qiseykerdoxan bale ante muhîmîya rolê  Ocalanî ser û waşt ke wa tecrîd bêro wedartene.

Çalakwanan derheqê felsefeya Ocalanî û tecrîdî de xeylî vilawekî vila kerdî û bi sloganan azadîya Ocalanî waşte.

Bajarê Hamburgî de zî çalakîyê kurdîstanijan dewam kenî. Vizêr reyna mîtîngêk ame viraştene. Çalakîye de Parlamenterê Partîya Çepî yê Almanya Martîn Dolzerî qisey kerd.

Dolzerî qerarê Amerîka şermezar kerd û va: ‘‘Bi îtîfaqo leyşin yeno waştene ke Mucadeleyê Azadîye yê Kurdan bêro tasfîyekerdene. Ganî ewro heme hetê demokratî kîşta kurdan de ca bigêrî û vera nê kayanê leyşinan mucadeleyî gird bikerî.

Hamburg de her roje cayanê cîyayan de çalakîyêk yena viraştene. Çalakîya roja şemeyî do verê konsolosxaneyê Amerîka de bêro viraştene.

Stuttgart de zî kurdîstanijî û dostê înan verê konsolosxaneyê Tirkîya de ameyî pêser û tecrîdê serê Ocalanî, hêrişê serê Rojawanî û qerarê Amerîka  protesto kerdî. Tayî grûbanê çepan ê Almanya zî paştî daye ci.

Çalakwanan hukmatê Almanya ra zî waşt ke wa sucanê rejimê Erdoganî rê hemkare mebo.