KCDK-Eyî da zanayene ke 6ê Teşrîna peyêne de semedê azadîya Rayberê Şarê Kurdî Abdullah Ocalanî do çalakîyêk bêro viraştene û waşt ke wa her kes tewrê ci bibo.

Dîwanê Hemserekîya KCDK-Eyî bale ante muhîmîya rolê Ocalanî ser û va: ‘‘Rayberê Şarê Kurdî Abdullah Ocalano ke  20 serrî yo tecîrîdo girankerde ser o yeno domnayene îradeyê ma yo, azadîya ey azadîya ma ya.‘‘

Eşkerayî de Komîteya Vernîgirewtişê Îşkenceyan (CPT) û Mehkemeya Heqanê Merdiman a Ewropa (MHME) zî ameyî rexnekerdene û ame vatene ke dewlata tirkî bêvengîya nînan ra paşt gêna.

KCDK-Eyî da zanayene 6ê Teşrîna peyêne de saet 10.00 de semedê azadîya Rayberê Şarê Kurdî Abdullah Ocalanî verê Konseya Ewropa (KE), CPT û MHMEyî de çalakîya ‘‘ Ma do tecrîd bişiknê û Ocalanî azad bikerê‘‘ do bêro viraştene û waşt ke wa şarê kurdî û hetê demokratîkî tewrê na çalakî bibî.