Amed de bi desan kesî ameyî destbendkerdene

Amed de operasyonê qirkerdişê sîyasîyî de tewr tay 59 kesî ameyî destbendkerdene. Derheqê kesanê ke ameyî destbenkerdene de qerarê sînordarkerdişê avûkatan ame girewtene.

Amed de ewro vera 104 adresan operasyonê qirkerdişê sîyasîyî ame kerdene û bi desan kesî ameyî destbendkerdene.

Çarçewa cipêrsayîşo ke hetê Serdozgerîya Komare ya Amedî ra dîya destpêkerdene de muxabîra Jinnewsî Bêrîtane Canozer û rojnameger Kadir Bayram zî tede tewr tay 59 kesî ameyî destbendkerdene. Derheqê kesanê ke ameyî destbenkerdene de qerarê sînordarkerdişê avûkatan  nimitşê dosyayan ame girewtene.

Kesê ke ameyî destbendkerdene ra nameyê tayînan wina yê: Endamê ciwanîyê yê HDPyî Ferhat Azan, Mazlûm Gok, Gulîstane Yilmaz, Umit Akbiyik, Çetîn Temel, Rojbîne Verhan, Serhat Sonmez, qezaya Ferqîn de  rojnameger Kadir Bayram, muxabîra Jinnewsî Bêrîtane Canozer, Hemserekê HDPyî yê Farqînî Kenan Kaydu û Sohbet Yildiz.

Wextê sereştişî de bêrê Kenan Kayduyî ame şiknayene û Kaydu hetê polîsan ra ame derbkerdene. Hîrê domanê ke sereştiş de ameyî destbendkerdene ameyî berdene Şubeyê Domanan û destûr nêdîyeno avûkatanê xo bivînê.