Çalakîyê ke rayberîya dayîkan de semedê baleantişê serê grevê vêşanîye û rojeyê mergî yê ke vera tecrîdê serê Rayberê Şarê Kurdî Abdullah Ocalanî yenê viraştene dewam kenê.

Qezaya Baglarî ya Amedî de dayîkî reya 24’ine vernîya fabrîqaya kahane ya ke wiverê Parka Koşûyolû de ya ameyî têhet. Êlîh, Licê, Ferqîn û Bismîl ra zî xeylî dayîkî tewrê çalîkîye bîye. Reyna parlamentere Remzîye Tosûne û îdarekaranê HDP û DBP’yî yê bajarî zî paştî daye çalakîye. Dayîkê ke hetê polîsan ra gerîyayî binê ablûqa bi slogananê xoverdayîşî qîrayî.