Rayraşîyayîşê Azadîye yo Pîl o ke seba azadîya Rayberê Şarê Kurdî Abdullah Ocalanî 1ê sibate de dîyabi destpêkerdene roja 13ine de dewam keno. Baskê Wan û Qersî yê Rayraşîyayîşê Azadîye yê Pîlî 13 rojan ra dima Amed de resayî pê. Raywanî merkezê şaristanî de bi coşî ameyî pêşwazîkerdene.

Namzetê hemşaredarîyan ê DEM Partî, Mayê Haştîye, temsîlkarê rêxistinanê komelê sivîlî seba pêşwazîkerdişê raywanan verê Ceylanlarî de ameyî pêser.

Şarî bi deyîran û sloganan raywanî pawitî.

Polîsan war girewt binê ablûqa.

Wexto ke Baskê Wan û Qersî resayî verê AVMyî polîsan girse asteng kerd û alozîye vejîyaye.

Dima raywanî bi çepik û tîlîlîyan ameyî pêşwazîkerdene. Polîsan dormeyê raywanan girewt. Wekîlan verê astengîya polîsan girewt.

Raywanî dima verê bînaya DEM Partî ya Amedî de eşkerayîyêke bidê û noqtayanê şaristanî zîyaret bikerê.

Rayraşîyayîş 15ê sibate de dewa Rayberê Şarê Kurdî Amara de do biqedo.