Rayraşîyayîşê Azadîye yo Pîl yo ke semedê azadîya Rayberê Şarê Kurdî Abdullah Ocalanî û çareserîya meseleya kurdan dîya destpêkerdene, badê 13 rojan Amed de baskê Qers û Wanî resayî pê.

Baska Wanî Xana Axpar û baska Qersî Bismîlî ra kewtbî rayîr. Wird baskî mabênê nê qezayan de resayî pê. Resayîşê Rayraşîyayîşê Azadîye Pîlî de dîmenê renginî vejîyayî meydan.

Hemserekê Pêroyî yê DBPyî Çîgdeme Kiliçgun Uçar û Keskîn Bayindir yê ke baskanê cîya cîyayan ê rayraşîyayîşî de bî, bi nameyê grûban vilîkî dayî yewbînan.

Çalakwanan bi sebebê Komployê 15ê Sibate onlukê xo yê sipîyî vetî û sîyayî kerdî piray û dima ra ver bi Amedî kewtî rayîr.