Rayraşîyayîşê Azadîye baskanê Wan û Qersî ra 1ê sibate de dîyabi destpêkerdene û siba do bireso Amedî. Baska Wanî resaye qezaya Şemrexî ya Mêrdînî. 

Şarî bi dahol û zurnayan Raywanê Azadîye pêşwazî kerdî. Şarî û raywanan pîya govende girewte. Dima girseyî pîya bi slogananê “Bijî Serok Apo”, “Bê Serok jiyan nabe” û “Bijî berxwedana zindanan” merkezî rayraşîyayîş kerd.

Merkez de Wekîla DEM Partî Perîhane Koca qisey kerd û da zanayene ke ê seba haştî, têdûştî û azadîyêka mende û rûmetêne rayraşîyayîşê xo kenê. Koca vat: ''No rayraşîyayîş no rayraşîyayîş do verê komara demokratîke abikero û qederê kurdan dîyar bikero. Ma tîya de grevê vêşanîye yê tepişteyan û Nobetanê Edaletî yê dadîyan selam kenê. Ma do pîya haştîye awan bikerê.''

Namzedanê Hemşaredarîya Şemrexî ya DEM Partî Hamdîn Demîr û Kudrete Uçar zî raywanî selam kerdî û vat: ''Heta ke na mesele çareser biba rayraşîyayîşê ma do dewam bikerê. Wext wextê azadîye yo.''

Raywanê Azadîye Şemrexî ra dima do verê xo bidê qezaya Xana Axparî ya Çinarî.