Nobeta Demokrasî ya verba xespê qeyûmî roja 46'ine de dewam kerde. Nobeta Demokrasîyî verê bînaya HDP'yî ya Cehdeyê Lîseyî de ameye viraştene. Wekîlê HDP'yî,endamê Meclîsê Ciwana û Meclîsê Cinîyan ê Azadan ê HDP'yî, endamê Meclîsê Mayanê Haştîye, aktîvîstê  Têgêrayîşê Cinîyan ê Azadan (TJA) tewrê çalakîye bîyî. Endamê Federasyonê Komele yê Başûrê Rojakewtene yê Stenbolî zî ameyî û paştî daye çalakîye.

'Seba ke Ma Ser Bikewê...'

Serekê Pêroyî yê Partîya Azadîye Ayetullah Aşitîyî bale ante ayetanê Qur'anî ser û  va: "Şarê Kurdî heqanê merdimîye ra ber çîyêk nêwazeno. Naye ra ganî ma wayîrê rûmetê xo bivejşyê. Seba ke ma ser bikewê ganî ma wayîrê îradeyê xo bivejîyê. Heta ke ma îradeyê xo apey bigêrê ganî ma meydanan de bê." Nobeta Demokrasîyî dimayê eşkerayîyan pê çalakîya roniştişî qedîyaye.