Serekê Odaya Sanayî û Bazirganîye ya Amedî (DTSO) Mehmet Kayayî û Merdimanê Karî yê Sektorê Veyveyî kombîyayîşêk kerd. Kombîyayîş de semedo ke verê waqayanê janê Korona bêro girewtene tay birî ameyî girewtene.

Birê ke gêrîyayê wina yê: 

-Pêro personelê salonanê veyveyî do aşî bibê. 

-Bêmaske çew do nêeşko tewrê veyveyanê salonan bibê û temamîya veyveyî de şuxilnayîşê maske do mejbûrî bibo. 

-Dawetîyeyan de mejbûrîya maske do bêra eşkerakerdene. 

-Salonan de personelêk/e derheqê tedbîranê vera janî de tim hîşyarîyan bikero/a. 

-Salonan de semedê caardişê tedbîranê mesafe, maske û pakîye anonsî do bêrê kerdene.

 -Kilê meymananê veyveyî do bêro peymitene.

-Seba teşwîqkerdişê aşî hunermendê herêmî yê Amedî deyîrêke vajê û vîdeo bigêrê.