16 rojnamegerê kurdî 16ê hezîrane de ameybî tepiştene. Platformê Kede û Demokrasîyî yê Amedî verê Komeleya Rojnamegeran a Dîcle-Firatî (DFG) de derheqê babete de eşkerayîyêke daye. Wekîlê Partîya Karkeran a Tirkîya (TÎP) Ahmet Şik zî tede xeylêk endamê platformî tewrê eşkerayîye bîyî. Wextê eşkerayîye de dowîzê sey 'Rojnamegerê kurdî rûmetê ma yê' ameyî akerdene. Sereka Odaya Tabîban a Amedî Elîfe Turan metnê eşkerayîye wende.

Turane îfade kerd ke hêrişê vera çapemenîya kurdan newe nîyê û vat: ''Çapemenîya azade 30 serrî yo binê teda de ya. Embazê ma ameyî tepişteyene la kamera nika serê milê ma de ya, mîkrofon destê ma de yo. Ma tîya de yê û her kes eşkeno îradeyê xo vajo. Çapemenîya azade do bêveng nêmana.''

Ahmet Şikî zî ard ziwan ke raştîye tim hetê kesanê heqdaran de ya.