Xoverdayîşê merdimanê tepişteyan ê ke semedê wedartişê tecrîdê serê Rabyerê Şarê Kurdî Abdullah Ocalanî grevê vêşanîye û rojeyê mergî de yê ewro zî xoverdayîşê xo rê dewam kerd.

Amed

Amed de merdimê tepişteyanê ke 1’ê Gulane ra polîsî destûr nêdanî Parka Koşûyolû ya Baglarî de çalakî virazî, kuçeyê Batikentî de ameyî têhet. Poîsan merdimê tepişteyan girewtî binê ablûqa û înan rê hêriş kerd. Hêrişî de Hizal Yildirime ameye destbendkerdene û dime ra serbest ameye veradayene.

Stenbol

Stenbol de zî merdimê tepişteyan vernîya Zîndanê Umranîye de çalakîya roniştişî viraşte. Çalakîya ke îdarekarê HDP’yî yê Umranîye û avûkatî zî tewrê ci bîyî polîsan hêrişê çalageran kerd.  Merdimanê tepişteyan ra Ayşe Yavûze vat ke ez nika pêvînayîşî ra yena. Domanê ma vanê ke heta ke tecrîd bibo çalakîya ma do dewam biker. Bi hêrişan wazenê ke mabitersnê la ma nêtersenê. Wa tecrîd bêro wedartene. Wa heme dayîkî paştî bidê ma ke domanê ma hemeyan biciwîyê.