Amed de hetê HDPyî ra çarçiwaya 1ê Teşrîna peyêne Roja Kobanê ya Dinya de eşkerayîyêka çapemenîye amî kerdene. Hemsereka HDPyî ya Bajarê Amedî Fîlîz Buluttekîne, hemsereka DBPyî ya Bajarê Amedî Naşîde Toprake, parlamenterê HDPyî yê Amedî Semra Guzele, Dersîm Dage, Salîha Ayndenîze, Remzîye Tosune û Musa Farisogullari zî tede xeylî kesî tewrê ci bîyî. Eşkerayî hetê hemsereka DBPyî ya Amedî Toprake ra amî wendene.  

'DO PEYNÎYA ÎQTÎDARÊ ŞIMA BO!'

Toprake bale ante hêrişanê serê Kobanê ke verê weçînitişanê cayîyan de yenê kerdene û vat: “Ganî îqtîdarê AKP-MHPyî yo faşîst nê rind bizano ke bi behaneyan newe ra harkerdişê adirê Kobanê, vêşîkerdişê miletperwerî do peynîya îqtîdarê şima biyaro.”

Toprake vat ke çeteyê DAÎŞî bi paştîdayîşê hêzanê global û herêmkîyan bê ke vajê doman, cinî yan zî sivîl xeylî kesî qetl kerdî û ê çeteyê ke wayîrê zihnîyetêkê xirabî bîyî bi xoverdayîşê Kobanê ameyî tebervetene.

'HEWESÊ ÎNAN BIN KEWT'

Toprake peynî de vat “Serkewtişê Kobanê hewesê ê kesanê ke vatêne ‚Kobanê kewte do biko‘ şikit. Çeteyê DAÎŞî ke vajîyayêne nêeşkenê bêrê vindarnayene bi xoverdayîşê Kobanê ameyî vindarnayene.”

Toprake kesê ke xoverdayîşî de şehîd kewtîbî zî bi vîr ardî.