Çalakîya nobete ya Platformê Cinîyan ê Anqara verê Şaredarîya Çankaya ya Anqara de, seba Şaredarîya Colemêrgî dewam kena. Vizêr zî cinîyan pankarta ''Cinîyî seba Colemêrgî nobete de yê'' akerde û sloganê sey “Jin, Jiyan, Azadî” û “Bijî Berxwedana Colemêrgê” vatî.

Nameyê platformî ser o Fatma Tulum Eryoldaş çalakîye de ard ziwan ke îqtîdarî binkewtişê xo yê weçînayîşan ra ders nêgirewta û vat: ''Îqtîdar bi qeyûman meseleya kurdan giranêr keno. Wa hukmatê AKPyî hol bizano ke o do nêeşko qeyûman tayînê îradeyê cinîyan bikero. Hemşaredarîye xeta ma ya mor a û ma do tim aye bipawa.''