Antalya de vera karkeran ê kurdan hêrişo nîjadperest

Qezaya Elmali ya Antalya de karkerê serrewextî yê kurdî raştê hêrişê nîjadperestan ameyî. Keyeyê Kurga yo mêrdinîj mecbur mend ke dewe ra vejîyo.

Dewa Bayramlarî ya q ezaya Elmali ya Antalya de karkerê serrewextî yê kurdî raştê hêrişê 300 nîjadperestan ameyî. Keyeyo mêrdinîji mecbur mend ke dewe ra vejîyo.

Servet Kurgayî ke derheqê babete Ajansê Mezopotamya (MA) rê qisey kerd vat: Ma di rojî yo raştê hêrişê grûbêka hêrişkare ameyî. Înan vat, 'şima kurd ê, herra ra ma vejîyê.' Nika ma binê kontrolê leşkeran de dewe ra vejîyenê. Ma qet çî-mî xo nêgirewt.

Keyeyê Kurgayî ra Mustafa yo ke Izmîr de ronişeno ê zî vat: ''Bîn şewe grûbêka nîjadpereste hêrişê keyeyê ma kerd. Leşkerê ke ameyî cayê serebûtî vato, 'ma dest ra çîyêk nêno, semedê weşîya ganê xo tîya ra vejê.' Hêrişkaran vato 'şima kurd ê ma şima tîya nêwazenê, heta siba muhret danê şima. Eke şima siba tîya ra mevejê, ma do şima pîya bivêşnê.' Ewro zî reyna hêriş kerdo. Di rey hêriş ame kerdene.  Nê hêrişkarî dewijê la xo rê vanê ulkucu. Muxtarê dewe zî vano ê 'do tîya ra şirê.' Keyeyê ma macbur mend ke dewe ra vejîyo.''