Fîrmaya bi nameyê YDA Hatay de erdlerzî ra dima pêro îhaleyî girewtî la karê xo nêmcet verdayî. Xidaya ke Şaredarîya Îstanbulî Hatayî rê şawitbî bi mengan o şarî rê nêna vilakerdene.

Erdlerzê 6ê sibata 2023yî ra dima Hatay de hema zî mexdûrîyetê şarî dewam kenê. Îqtîdarê AKP-MHPyî erdlerzî ra dima xîret keno ke şaristanî betonarme bikero. Pêro qezayanê şaristanî de înşaetî est ê. Îhaleyê nê karan zî dîyayî şîrketa bi nameyê YDA ke sey endama çeteyanê 5an şinasîyeno. Şîrketa YDA xeymanê AFADî sey depoyê malzemeyanê karê înşaetî şuxilnena.

Nêweşxaneyo ke dewlete bi nameyê Defne akerd û Erdoganî vatbi ke îna '60 rojan' de temam kerdo, tede hema zî karê înşaetî dewam kenê.

Hetê bînî ra ardimê xida yê ke Şaredarîya Şaristanê Pîlî ya Îstanbulî şawitbî Hatayî hema zî nêweşxane de yenê nimnayene.

Goreyê dîmenanê ke resayê destê ma ardimî herinda ke şarî rê bêrê vilakerdene, odayêka nêweşxaneyî de yenê nimnayene. Nêzanîyeno ke hende ardimî çira nimîyenê.