Arjantîn de serkêşîya sendîkayan de çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de kampanyayêke 13ê teşrîna peyêne de do bêra destpêkerdene. Kampanya do heta 23yê teşrîna peyêne dewam bikera.

Çarçewa kampanya de  seba azadîya Rayber Apoyî îmzayî do arê bidîyê û hetê Corte Inter America û dezgehan ra bierşawîyê Konseya Ewropa. Wekîlan û endamanê sendîkayan zî seba beşdarîya kampanya veng da.

Julian Aguirre, Director de Internacionales de CTA Autónoma vat: ''Abdullah Ocalan 25 serran ra nata zîndanêkê dewleta tirke de yeno esîrkerdene. Ma azadîya ey wazenê. Ma têkoşînê seba azadîya Ocalanî heqdar vînenê. Ma venga pêro kesan danê ke tewrê na kampanya bibê.''

Parlamenter, Vanina Biasiyî vat: ''Ez şexsê Abdullah Ocalanî de pêro tepişteyanê sîyasîyan selam kena. Ma azadîya Birêz Ocalanî wazenê. Bêguman ma haştîyêka mende wazenê. Ma kurdan û Kurdîstanî şinasnenê. Ma wazenê ke dewleta tirke peynîya polîtîkayanê îmha bîyara, tedayanê vera kurdan biqedîna.''

Parlamenter Mónica Leticia Schlotthauer: ''Ma azadîya embazê xo wazenê. Seba azadîya Ocalanî û heqanê kurdan ma veng danê.''

Femînîste Claudia Korol: ''Ma wazenê ke tecrîdê vera Birêz Ocalanî biqedo ke Ocalan seba haştîya mende û çareserîya meseleya kurdan rolê xo bîyaro ca. Ma venga her kesî zî danê ke tewrê kampanyaya îmzayan bibo.''

Aktîvîst Carlos Lorgipanitsi: ''Ma wazenê ke azadîya Ocalanî bêra caardene. Seba çareserîya haştîyane û têdûşte ya Kurdîstanî û Rojhelatê Mîyanênî ganî tecrîd bêro wedaritene.''

Metnê kampanya de dîya zanayene ke kampanya 13ê na aşme de, saete 17.00 de dest pêbikera û 10 rojan do dewam bikera.

Lînkê kampanyaya îmzayan wina ya: