Goreyê xebera Rojnewsî Vervatoxê Fermandarîya Pêroyî ya Artêşa Iraqî Yahya Resûlî hêrişanê îşxalî yê dewleta tirke ser o eşkerayîyêke daye.

Resûlî eşkerayîye de da zanayene ke artêşa tirke 20 km sînorê Iraqî ra kewte zere û vat: ''No sînorî ra zaf dûr o. Artêşa tirke Herêma Kurdîstanî de hûmara baregehan ê leşkerîyan zêdînaye. Ganî Tirkîya serwerîya Iraqî û welatanê cîranan rê hûrmet bikera.Ganî mesele pê rayîrê dîyalogî bêra çareserkerdene. Çîyo ke nika erdê Iraqî ser o beno îşxalêko pîl o. Dewleta tirke waro hasmên ê Iraqî binpay kerd.''