Şanê pancşemeyî Syriza zî tede bi vengdayîşê partîyanê çepgîran û komanê anarşîstan bi hezaran kesî meydanê Akademia de kom bîyî û seba koçber û multecîyan rayîrî ra şîyî.

Girseyê şarî waşt ke ver bi Parlamentoya Yunanî û Temsîlkarîya Yewîya Ewropa ya Atina şoro labelê verê Parlamento de girse rastê bendê polîsan ame. Polîsan destûr nêda ke çalakîkerî ver bi herêma ke eşkera kerde şorê. Girseyê şarî dima ke wextêk verê parlamentoye de sloganî vatî agêra meydanê Akademia. Partîyanê çepgîran û komanê anarşîstan ê Yunanîstanî bi vilawekan û qiseykerdişan nêzdîbîyayîşê Hukmatê Tirkî û Yunanî yê vera koçberan bi vatişê ''faşîzmî'' pênase kerd. Kurdî zî tewrê çalakîye bîyî.