Paytextê Yunanîstanî Atina de wextê zîyaretê Serekkomarê Tirkîya Erdoganî de kurdan û dostanê înan bi sloganê ''Kiştox Erdogan''î Meydanê Academia de çalakîya protestoyî kerde. Înîsîyatîfê Serewedaritişê Rojawanî, anarşîstan û şorişgêranê tirkan paştî daye çalakîye.

Çalakîye de pankarta ''Erdoganê Kiştoxî'' û ''Qirkerdişê Kurdîstanî Vindarnê'' ameye akerdene. Çalakîye de posterê Rayberê Şarê Kurdî Abdullah Ocalanî ameyî akerdene û sloganê sey “Bijî Serok Apo”, “Ocalanî rê Azadîye” û “Bijî berxwedana zindanan” ameyî vatene. Çalakîye de faşîzmê Erdoganî, hêrişê dewleta tirke ya îşxalkerî ameyî protestokerdene û seba têkoşînê hemparî veng dîya.