Dayîreyê Ceza yê Mehkemeya Berze ya Temyîzî seba ke derheqê Can Atalayî de bira binpaykerdişî dabî gerreyê Mehkemeya Qanûnê Bingeyîyî kerdbî. No kerdişê Mehkemeya Berze ya Temyîzî sey 'darbe' ameye pênasekerdene.

Vengdayîşê Yewîya Baroyan a Tirkîya (TBB) û Baroyê Anqara ser o avûkatan seba serdestîya huqûqî ver bi Mehkemeya Berze ya Temyîzî rayraşîyayîş kerd. Avûkatan rayraşîyayîş de sloganê sey 'Darbe rê ney', 'Heq, huqûq, edalet' vatî.

Polîsan Kuçeyê Necatîbeyî de dormeyê avûkatan girewt.  La avûkatan rayraşîyayîşê xo rê dewam kerd. Avûkatî resayî verê bînaya TBByî.