Keyeyê Rayberê Şarê Kurdî Abdullah Ocalanî û keyeyanê tepişteyan ê bînan ê Îmraliyî  û avûkatan semedê pêvînayîşî muracatê Serdozgerîya Komare ya Bursa kerd.

Birayê Rayberê Şarê Kurdî Abdullah Ocalanî Mehmet Ocalanî û wasîyê ci Mazlum Dînçî seba pêvînayîşê Îmraliyî muracatê Serdozgerîya Komare ya Bursa kerd. Merdimanê tepişteyan ê bînan ê Îmraliyî ra birayê Omer Hayrî Konarî Emîn Konarî, birayê Hamîlî Yildirimî Polat Yildirimî û waya Veysî Aktaşî Melîhe Çetîn û kênaya aye Eyleme Çetîn bi rayîrê avûkatanê xo seba pêvînayîşî muracatê serdozgerîye kerd.

Keyeyan 2ê adare de Girawa Îmraliyî de pêvînayîş kerd

Reyna avûkatanê Rayberê Şarê Kurdî Abdullah Ocalanî Razîye Turgut, Rezan Sarica, Serbay Koklu û Îbrahîm Bîlmezî zî  semedê pêvînayîşê muwekîlê xo muracatê Serdozgerîya Komare ya Bursa kerd.

Menga tebaxe ra nata muracatê avûkatan ê seba pêvînayîşî rê cewabêk nêno dayene.