Avûkatanê Buroyê Huqûqî yê Asrinî ke avûkatîya Rayberê Şarê Kurdî Abdullah Ocalanî keno bi sernameyê Wezîrî Edaletî rê Mekûbo  Akerde eşkerayîyêke weşanaye.

Mektûbî ra qismêk wina yo:

''Birêz Bozdag, rixmê heme muraccatanê ma 720 rojî yo ke ma muwelîlanê xo Birêz Abdullah, Hamili Yildirim, Omer Hayrî Konar û Veysî Aktaşî ra xebere nêgenê.  Tewr peynî wextê pandemî de 25ê adara 2021î de muwekîlanê ma bi telefonî merdimanê xo de qisey kerd. Şima kam qanûnî ra nê heqî genê ke tekîlîya nê çar tepişteyanê sîyasîyan bi dinya birnenê? Badê erdlerî seba ke tepişteyî merdimanê xo ra xebere bîgêrê heqê telefonî ame dayene. Rixmo ke keyeyê muwekîlanê ma herêmanê erdlerzî de yê, no heqê telefonî nêdîya înan.

Zîndanê Tîpê Fyî yê Îmraliyî pabesteyê şima nîyo? Îmrali de yewna rejîmê huqûqî yan zî huqûqê yewna welatî yeno caardene? Nê qerarê Mehkemeya Heqanê Merdiman a Ewropa û raporê CPTyî nê vînayîşî ra yenê. Pekerdişê mîyanneteweyî yenê binpaykerdene. Esil mesele nizdîbîyayîşê hukmatê şima yê vera Birêz Ocalanî yo ke eşkerano meseleya kurdan de ya ke bingehê heme meseleyanê bînan ê Tirkîya ya, rolo pîl kay bikero. Muwekîlê ma teberê sîstemê huqûqî de sey rehîne yenê tepiştene. Şima do çiwext semedê qedînayîşê rehînetîya muwekîlanê ma têbigêrê  ke Zîndanê Tîpê Fyî  ke pê qale yan zî kagit ser o berpirsîyarîya şima de yo? Sey Wezîrîya Edaletî şima berpirsîyarîya xo zanê?''