Avûkatanê Buroyê Huqûqî yê Asrinî derheqê şewatê Îmraliyî de eşkerayîyêka newî daye. Eşkerayîya ke hesabê înan ê medyaya sosyale de ameye parekerdene wina ya:

''Wezîrîya Karanê Zereyî 27.02.2020 de da zanayene ke Girawa Îmraliyî de şewat vejîyayo.  Seke yeno zanayo ke muwekîlê ma birêz Ocalan serra 1999î ra Îmrali de zîndanê yewkesan de yeno tepiştene. 2015 de zî muwekîlê ma yê bînî Omer Hayri Konar, Hamili Yildırim û Veysi Aktaş Îmrali de ameyî cakerdene. Eşkerayo ke no şewat birêz Ocalan û muwekîlanê ma yê bînan ser o tesîr keno. Nê şertan de rîsk weşîye esto û no zî beno sebebê qesewatî. Bado ke 19ê tebaxa 2019î de zîyaretî keyeyî ame kerdene temasê bi muwekîlanê ma ameyo birnayene. Çi heyf o ke derheqê weşîya muwekîlanê ma de zanayîşê ma çîn o. Tecrîdê Îmrali sûc o. Heqê muwekîlanê ma yenê binpaykerdene. Vera tecrîdî vejîyayîş tewirêko merdimî û ehleqî yo. Ma ûmid kenê ke rayapêroyî nê hîsdarî ramojneno û ma veng danê ke wa kesê eleqedarî berpirsîyarîya xo bica bîyarê.''