Necdet Erîko ke Riha de dima ke ceyranî o girewt di destê ci tira qerifîyayê sûcêko ke nêkerdo erzîyabi zîndan. Erîk 20 rojî yo Zîndanê Metrîsî de keno ke biciwîyo. Seba Erîkî muracatê veradayîşî ameyî kerdene la pêro muracatî ameyî redkerdene.

Wekîlê HDPyî yê Kocaelîyî Omer Faruk Gergerlîogluyî zî babete berde rojdemê Meclîsî. Birayê Necdet Erîkî Abîdîn Erîkî derheqê rewşa kekê xo de ANFyî rê qisey kerd.

Abîdîn Erîkî da zanayene ke rixmê rewşa ci zî nan û awa neqîme dîyena kekê ci û saete 12.00 de zî ancax arayî dîyena kekê ci.

Abîdîn Erîkî dîyar kerd ke kekê ci kokimêkî reyde koxûş de maneno û tepişteyo kokim keno ke hetkarîya Erîkî bikero. Abîdîn Erîkî vat: ''Rewşa kekê mi zaf xirab a. Ganî kekê mi cade bêro veradayene. Seba ke nano qîm nêdîyeno kekê mi zeîf bîyo. Wexto ke o awe wazeno erey awe dîyena ci. Kekê mi berma û mi rê vat 'Mi tîya ra bixelisnê.' Wa kekê mi vera bidîyo. Ey zî waşt ke seba veradayîşî rayaumûmîye paştî bida ci.''