Wekîlê HDPyî yê Çewlîgî Erdal Aydemîrî semedo ke Wezîrê Weşîye Fahrettîn Koca cewab bido ci vernîyazêk da Meclîsî û persa ke çira Çewlîg de waqayê vîrusê Korona vera zêdîyenê.

Aydemîrî pare kerd ke Çewlîg de waqayê vîrusê Korona zaf zêde yê û semedo ke veyve, şîn û resayê komkî de tedbîrî nênê girewtene rewşe bena giranêr. Aydemîrî bale ante ser ke şaristan de derheqê pirodayîşê derzîne de xebatê qîmkerdeyî nênê kerdene û na babete de qet yew kontrol zî nêame kerdene. Aydemîrî vat: ''Eke tedbîrî nêrê girewtene û seba pirodayîşê derzîne  xebatî nêrê kerdene netîceyê xirabî do vejîyê verê ma.''

Aydemîrî vernîyazê xo de ca day nê persan:

-Çewlîg de çend nêweşê Korona estê? Prosesê karantîna yê nê nêweşan senî qewimîyeno? Kontrolê înan senî yeno kerdene?

-Nêweşxaneyê Dewlete yê Çewlîgî de servîsê ciewnîyayîşê giranî qîm kenê? Çend nêweşê entube estê?

-Nufusê şaristanî ra çend tenan derzîne daya xo ro? Derheqê îqnaya aşîbîyayîşî de xebata şima esta?

-Cayanê sixletîyan û girewteyan de tedbîrê qîmkerdeyî  (maske, mesafe, hîjyen) do bêrê girewtene?