Hemsereka Pêroyî ya Partîya Herêmanê Demokratîkan (DBP) Salîha Aydenîz û wekîlanê HDPyî Merale Daniş Beşdtaş û Ayşe Surucu û Hemsereka HDPyî ya Riha  Çîgdeme Karaçeli bi wesîleya Roja Dayîkan Emîne Şenyaşara ke 61 rojî nobeta edaletî de ya zîyaret kerde.

Emenî Şenyaşar  rîyê qedexeyê tebervejîyayîşî ra 30ê nîsane ra nata keyeyê xo yê Pirsûsî de nobete domnena. Cinîyan ê ke Şenyaşare zîyaret kerde karanfîl û laçike dayî ci.

Serekwekîla Grûba HDPyî Merale Daniş Beştaş ard ziwan ke rîyê qedexeyî ra grûba înan de zaf kesî ca nêgenê û vat: ''Dayîkî do peynî ra tewr peynî haştîye bîyarê. Ma zanê senî ganê to vêşeno. Ewro çimê bi seyan dayîkan hesrin ê. Dayîkî edalet wazenê.''

Salîha Aydenîz zî vat: ''Na roje şima rê açarna cehenemî la mucadeleyê dayîkanê ma dinya rê minûne yo. Nika ma têna tîya yê la heme cinîyî paştî danê şima. Xebera dinya nê zulmî ra esta. Ti têna nîya, ma tîya yê, kişta to de yê.''

Emîne Şenyaşar zî qala rojanê verênan ê Roja Dayîkan kerde û hesir kerdî war. Ferît Şenyaşarî zî ard ziwan ke seba ke ê keyeyê nobete tepişenê binê kontrolê polîsan de yê û gama ke vejîyenê teber raştê tacîzê înan yenê û vat: ''Şima ma çirey têna nêverdayî. Êyê ke paştî danê ma wa weşûwar bê. Ma paştîdayîşî pay ra yê.''

Heyet dima ra dewa Kulunçe de maya Vervatoxa TJA Ayşe Gokkan Lutfîye Gokkan zîyaret kerd û Roja Dayîkan pîroz kerde.