Qezaya Sancaktepe ya Îstanbulî de vera destsernayîşê şaredarîyan bi şîarê ''Qeyûm ney demokrasî''yî çalakîye ameye kerdene. Çalakîye de pankartî ameyî akerdene û sloganê sey "Jin jiyan azadî" û "Bijî berxwêdana gelan" ameyî vatene. Vervatoxa DEM Partî û wekîla Şirnexî Ayşegule Dogan û Wekîla Îstanbulî Kezbane Konukçu tewrê çalakîye bîyî.

Hemserekê DEM Partî yê Îstanbulî Murat Kalmazî xîtabê girseyî kerd û vist vîrî ke qeyûm vera demokrasîyî darbe ya. Kalmazî vat: ''Çîyo ke şima kenê dîktatorî ya, şima faşîzmî kenê.''

Ayşegule Dogan zî ard ziwan ke seba haştîyêka rûmetêne û edîle înan Îstanbulî ra heta Êlih û Mêrdînî vera îşkence, qetilkerdiş, tepiştiş û zulmî vengê xo berz kerdo. Ayşegule vat: ''Ma hêzê xo heqdarîya xo ra gênê. Çend îqtîdar û serekwezîrî ameyî şîyî la têkoşînê şaran o hempar dewam keno.

Rayîrê şima rayîr nîyo. Ma do kuçe û waran de bibê. Şima do nêeşkê ma vindarnê coka polîtîkayanê qeyûmî ra fek vera bidê. Hêverî na polîtîka war verdê.''