Lezgîn Botanî ANFyî rê qisey kerd û ard ziwan ke fikr û felsefeya Rayber Apoyî seba çareserîya meseleyan modelo tewr musbet o.

Botanî vist vîrî ke perpektîfo ke Rayber Apoyî Newroza Amedî ya 2013î de eşto werte hetê dewleta tirke ra ameyo sabotekerdene û vat: ''Dewleta tirke 2015 de şer ancî da destpêkerdene. 15 şaristanî ameyî serûberkerdene, merdimê sivîlî ameyî qetilkerdene û Efrîn ame îşxalkerdene. Başûr de zî vera gerîlayan çekê kîmyewîy şuxilîyayî. La kurdan xoverdayîşê xo ra fek vera nêda. Rewşa nikayêne de perspektîfê Ocalanî rayîrê felate mojnenê. 

Eke modelê çareserîya demokratîke yê Birêz Ocalanî biameyêne caardene Rojhelatê Mîyanênî de nê rijîyayîşî nêqewimîyayêne. Ewro Rojawan de modelo ke Ocalanî pêşkêş kerdbi yeno caardene la Tirkîya kena ke nê modelî birijna. Hinî Tirkîya Rojhelatê Mîyanênî de nêeşkena biba hêzo tewr xurt. Xoverdayîşê kurdan polîtîkayê faşîstî şiknayî. şarê kurdî yo ke xo bi fikranê Rayber Apoyî rêxistin kerdo, tedaya dewleta tirke keno.''

Botanî bale ante ser ke pêvînayîşê peyênî yê bi Rayber Apoyî seba welatî firsendêko pîl ê û vat: ''Nê pêvînayîşî seba demokratîkbîyayîşê Tirkîya, seba qeslkerdişê rejîmê faşîstî û seba awankerdişê sîstemêkê azadî yê şaran eşkenê bibê gamêka girînge. Ganî dewleta tirke modelê çareserîya demokratîke bîyara ca, heqê hêvîye bîyara ca. Seba caardişê nê modelî ganî Birêz Ocalan azad bibo. Azadîya Birêz Abdullah Ocalanî şîdet û şerî ra rayîrê felate yo.''