Xeylêk baroyanê Vakurê Kurdîstanî dîyar kerd ke ê gerreyê qirkerdişê Zaxoyî bikerê û biwazê ke mesuldarî bêrê muhakemekerdene.

Baroyê Amedî îfade kerd ke sey Roboskî wexto ke babete kurdî benê huqûqê merdiman yeno binapykerdene. Baroyî vat: ''Ma keyeyanê qurbanan û Kurdîstanî ra serweşîye wazenê. Seba tesbîtkerdiş û muhakemekerdişê nê hêrişî Baroyê Amedî gerr bikero û prosesê huqûqî nêzdî ra teqîb bikero.''

Baroyê Riha pare kerd ke bombardumanê vera sivîlan binpaykerdişêko giran ê heqanê merdiman o. Baroyî vat: ''Rewşêka winasêne de ke no hêriş ameyo kerdene, serê pêro kesan de tehlukeyêko pîl virazîya. Seba pawitişê waranê sivîlan ma venga meqamanê mîyanneteweyîyan danê ke erkê xo bikerê. Wa mesuldarê hêrişî bêrê tesbîtkerdene û teqhîqat vera nînan bêro kerdene.''

Baroyê Şirnexî zî waşt ke wa mesuldarê hêrişî bêrê tesbîtkerdene û muhakemekerdene. Baroyî vat: ''Ma veng danê ke peynîya nê hêrişanê ke benê sebebê mergê sivîlan wa bêra.''

Baroyê Wanî zî qirkerdişê Zaxoyî sey 'Roboskîya diyîne' pênase kerd. Baroyî waşt ke waşt ke wa mesuldarê hêrişî bêrê tesbîtkerdene û muhakemekerdene û vat: ''Ma do nê prosesê huqûqî nêzdî ra teqîb bikerê.''