Vervatoxa Komîsyonê Heqanê Merdiman û Huqûqî yê HDPyî, Endama MYKyî û Parlamentera HDPyî ya Êlihî Ayşe Acar Başaran eşkerayîya nuştekîye daye û vat: ’’Tepişteyê nêweşî zîndanan de mirenê.’’

Eşkerayîya Başarane wina ya: Zîndan de yewna tepişteyî cuya xo vînî kerde. Nebî Îlhano (74) ke operasyonanê qirkerdişê sîyasîyî de ame tepiştene û 6 serrî ceza girewte 10ê çeleyî de Nêweşxaneyê Dewlete yê Sêrtî de cuya xo vînî kerde. Ma îlhanî rê rehmet keyeyê ci rê serweşîye wazenê. Ma reyna dî ke Wezîrîya Edaletî cayê zulmî de ca gena.

Goreyê doneyanê  Komeleya Heqanê Merdiman (ÎHD) zîndananê bi kapasîteyê 220 hezaran de 280 hezar  kesî manenê. Mîyanê nînan de 475ê înan giranî 1334 hezar tepişteyî nêweşê. Sereyê serra 2017î ra heta peynîya 2019î 44 tepişteyan cuya xo vînî kerde.

Tacîzkar û qetilkarî serbest yenê veradayene la nêweşê sey Îlhanî rixmê nêweşîya înan a girane nînî veradayene. Na bêvîjdanîye ya. Heqê ci yê keyeyê xo ra xatirwaştişî ameyo xespkerdene, na zalîmîye ya. No mergo normal nîyo. No cînayet o û bi destê îqtîdarî ameyo kerdene. Îqtîdaro ke rewşa tepişteyan nêvînayîşî ra yeno, zîndanî açarnayî îşkencexaneyan û cayê mergî bi destê xo tepişteyan qetil keno. Ganî îqtîdar rewşa tepitşeyanê nêweşan cade bi bîgêro deste û vernîya mergan bîgêro. Eke wina mekero heme mergan ra ê berpirsîyar ê.‘‘