Berê sînorî yê Deştanî ame qefilnayene
Rîyê pêkewtişanê giranan ê ke mabênê gerîlayan û leşkeranê tirkan de qewimîyenê ra berê sînorî yê mabênê Çelê û Başûrê Kurdîstanî ame qefilnayene.
Vizêr nêzdîyê berê sînorî yê Deştanî (Uzumlu) yo ke mabênê qezaya Çelê ya Colamêrgî û Başûrê Kurdîstanî de yo mabênê gerîlayan û artêşa tirke de pêkewtiş qewimîya.
Badê pêkewtişê ke bi saaetan dewam kerd, berê sînorî ame qefilnayene û xeylêk ambûlansî sewqê herême bîyî.
Hewt karkerê gumrukî yê ke badê destpêkerdişê pêkewtişî vînî bîyî înan ra xebere nîna girewtene.
