Vîrusê Korona yo ke hetê Rêxistina Weşîye ya Dinya (WHO) o sey oandemî îlan kerd her roje beno semedê mergan. 

Dewleta tirke zî qaşo berê sînorî yê bazirganîye Îranî rê girewtî. Bi îmzaya Wezîrê Karanê Teberî Sûleyman Soyluyî 81 şaristanan de 'tebdîrî' ameyî parekerdene. Tebdîrê beranê sînorî zî tede yê. Qerarnameyê beranê sînorî yê mabênê Tirkîya û Îranî ra dima, berê sînorî yê Agirî-Gurbûlak, Wan-Kapikoy, Colemêrg-Bajêrgeh, Îdir-Dîlûcû û Wan-Kapikoyî zî bi hawayêkê demkî 23ê sibate de ameyî girewtene. Labelê rîxmê na bire zî têgêrayîşê beranê sînorî nêqedîyayî. Berê sînorî yê Kapikoyî yê qezaya Sarayî ya Wanî bi rojan o ke girewte yo, la eşkera bi ke şewe akerde yo. Şewa dişemeyî 2 kamyonê ke barê ci zeveş û kîwî bîyî berê sînorî yê Kapikoyî ra Îranî ra derbazê Tirkîya bîyî. Barê her kamyonan ameyî berdene bi bazarê sebzeyan ê pîlî yê Wanî. Esnafî vanê ke na bazirganîya ke bi hawayêkê nimiteyî yena kerdene weşîya merdiman rê gef waneno û esnafî biqesawet ê.