Erkan û Ozum Tamere newe zewecîyayê û Enqere de qezaya Mamakî, Taxa Duralî Aliçî de nişenê ro. Erkan Tamerî 11’ê Adare de seba ke şoro kar şewdir ke keye ra vejîyo dîyo ke berê keyeyî bi boyayê spreyî ameyo îşaretkerdene û yew zî noto bigef dîyo. Seba ke xanima ci qisawet nêkero not nêmusnayo ci û nêşîyo gerre zî nêkerdo.

Roja 23’yê Adare de eynî çi qewimîyayo. Keyeyê Tamerî şewe saet 23.30 de agêrayo keye û dîyo ke berê ci reyna ameyo îşaretkerdene. Keyeyê Tamerî noto bigef zî girewto û şîyê qereqolê polîsan û gerre kerdo. Erkan Tamer wazeno kesê ke ber îşaret kerdo bêrê dîyayene. Reyna Qaso ke Erkan Tamer vano apartmande sîstemê kamera çin o.

Ozum Tamere  ard ziwan ke eynî apartman de keyeyê Elewîye bînî zî estê û va:’’Ma Elewîyê û Elewîtîya xo nêdanê we. Ma goreyê îtîqat û bawerîya xo kenê ke biciwîyê. Kesî rê yew zerarê ma çin o. Heta ewro zerarê kesî zî nêresto ma.”