Têgêrayîşê Ekolojî yê Kurdîstanî yê Ewropa (TEV-EKKO) û Grevê Îklîmî yê Swîsre Bern de bi sernameyê ‘’krîzê îklîmî yê globalî û Kurdîstan de talanê ekolojîkî’’ panelêk viraşt. Xeylê ekolojîstî, têgêrayîşê xoza û endamê Merkezê Komelê Demokratîkî yê Kurdan ê Berlinî tewrê panelî bîyî.

Panel de krîzê îklîmî yê dinya û zeraro ke polîtîkayanê dewlete dayo Kurdîstanî ameyî ercnayene.

Aktîvîstanê Swîsre çimdarîyê xo yê Amed, Şirnex, Wan û Êlihî pare kerdî û dîyar kerd ke qedînayîşê çimeyanê awe, vêşnayîşê daristanan û karê madenkarîye rijnayîşê ekolojî giran kenê.

Beşê diyînî de aktîvîstê TEV-EKOyî Salman Karasuyî qalê têgêrayîşanê Ewropa kerd.

Panel bi vengdayîşê paştdayîşî qedîya.