Berrine Sariya ke 2016 de bi îdîaya “Propagandaya rêxistine ” ameye tepiştene  û cezaya 7 serran û 6 mengan dîyaye ci û tehlîyeya ci di rey peyser ameye eşetene, Zîndanê Qefilnayeyî yê Sîncanî ra vejîyaye.

Berrine Sari verê zîndanî de hetê merdiman û embazanê ci û avûkatan OHDyî, îdarekaranê HDP yê rêxistina Anqara ra ameyî verwazîkerdene.

Sariya ke bi çepikan ameye verwazîkerdene selamê cinîyan ê ke zîndan de yê teqdîm kerdî. Berrine Sari ard ziwan ke Tirkîya mîyanê kaosî de ya û çareserî zî Imrali de ya û semedê wayîrvejîyayîşê tepişteyan veng da.